اسفير نيوز
أبرز تصريحات البرهان في الزاكياب اليوم:
البرهان من الزاكياب:
الإتفاق الإطاري دا نحنا داعمنو عشان فيهو بند مهم جدا نحنا كعسكريين بيهمنا وهو دمج قوات الدعم السريع في القوات المسلحة ، دا هو الفيصل بيننا وبيننا الحل الجاري الآن .
اذا في كلام واضح ومنصف ومقنع عن الدمج دمج الدعم السريع والحركات المسلحة في القوات المسلحة نحنا حنكون ماشين فيه ، نحنا همنا جيش واحد جيش وطني يدافع عن السودان ويحمي أهل السودان ، لكن أي كلام خلاف هذا الكلام فهو غير مقبول ولا في زول حيمشي فيهو لقدام .
ولو في أي زول متخيل إنو في جهة ممكن تخوف الجيش او ممكن تهزم الجيش نقول ليهو انت غلطان .