تداول رواد التواصل الإجتماعي لهجاء طريف للشخص الذي ضرب الرئيس الفرنسي ماكرون قبل ايام حيث وجد الهجاء متابعات من قبل الآلاف ..وذكروا ان الهجاء كتبه شايقي ولجمال الهجاء وطرافته ننقله لكم كما جاء :_
تضربو كف في شنو. عاد آيابه جيت راجع بيتك بعد شمس تغلي الحبه لقيت الكهرباء قاطعي. نان وقفت في صف العيش ثلاث ساعات. نان ابوي جربت تكابس في المواصلات وبعد ده تركب شماعه. تقول مالي فتحت الماسوره لقيتا قاطعي. مشيت الصيدليه شايل قروشك لقيت الدواء مافي . وقفت في صف البنزين يومين تقول مالي.. ان كان مو قدنفه منك وقله ادب. جيت راجع اهلك مرتك قالتلك انبوبه الغاز فضت وبقيت تزازي من مكان لمكان. والله ياهو الفضل. لو كنت معانا هنا كنت سويت شنو. والله ياها السمكه الشبعت ومرقت من البحر نقول مالك عليك دين من سيد الدكان واللبن وسيد الخدار. ياربي فتحت عيونك من الصباح لقيت ولادك الماشين الجامعه والمدارس حارسنك لحق الفطور والمواصلات. تقول مالي الملي التاخدك. راجاك ضحيى ولا سمايه والله ياهو الفضل. حايم من بار لبار تشرب في البيره الساقطي ومن ملهي لملهي. يسالك الله البخليك تكفتو شنو. نبذك قالك شذاذ افاق زي ناسنا ولا قال ليك سنعبر وماعبر. العبره التمسكك تقول مالي الناقصك شنو من الضبان والبعوضه الكرهتك عيشتك ولا تصبح عليك الواطه تلقي الاسعار زايدي والدولار طاير. تطير عيشتك.
