اﻟﺰﻋﻴﻢ ﻫﺰﻡ ﺍﻟﻮﺻﻴﻒ ﺃﺭﺑﻊ ﻣﺮﺍﺕ ﻓﻲ ﺁﺧﺮ ﺳﺖ ﻟﻘﺎﺀﺍﺕ ..
ﻓﻤﻦ ﺃﻳﻦ ﻟﻬﻢ ﺍﻟﺘﻔﺎﺅﻝ ﻭﺍﻟﺘﻄﺎﻭﻝ؟
ﺟﺎﺕ ﺍﻟﺤﺰﻳﻨﺔ ﺗﻔﺮﺡ ﻣﺎ ﻟﻘﺘﻠﻬﺎﺵ ﻣﻄﺮﺡ .. ﺳﻴﻤﺎ ﻃﺎﺵ ﻣﺎ
ﻃﺎﺵ .. ﻳﺎ ﺧﺒﺮ ﺑﻔﻠﻮﺱ ﺑﻜﺮﺓ ﻳﺒﻘﻰ ﺑﻼﺵ
* ﻣﻦ ﻏﺮﺍﺋﺐ ﻣﺎ ﺣﺪﺙ ﻗﺒﻞ ﻣﺒﺎﺭﺍﺓ ﻗﻤﺔ ﺍﻟﻤﺤﺮﻭﺳﺔ ﺃﻥ
ﺍﻷﻫﻠﺔ ﺗﻌﺎﻣﻠﻮﺍ ﻣﻊ ﺍﻟﻤﺒﺎﺭﺍﺓ ﺑﺎﺳﺘﺨﻔﺎﻑ ﻭﺯﻋﻤﻮﺍ ﺃﻧﻬﺎ
ﻣﻀﻤﻮﻧﺔ ﻟﻬﻢ، ﻭﺃﻥ ﺍﻟﻔﻮﺯ ﻋﻠﻰ ﺍﻟﻤﺮﻳﺦ ﻓﻴﻬﺎ ﻣﺴﺄﻟﺔ ﻭﻗﺖ !
* ﺭﺍﺟﻌﻮﺍ ﺃﻋﻤﺪﺓ ﻛُﺘﺎﺏ ﺍﻟﻬﻼﻝ ﻭﺗﻌﻠﻴﻘﺎﺕ ﺃﻧﺼﺎﺭﻩ ﻓﻲ
ﻣﻨﺼﺎﺕ ﺍﻟﺘﻮﺍﺻﻞ ﺍﻻﺟﺘﻤﺎﻋﻲ ﻟﺘﺘﺄﻛﺪﻭﺍ ﻣﻦ ﺗﻠﻚ ﺍﻟﺤﻘﻴﻘﺔ .
* ﻣﻦ ﻳﻘﺮﺃ ﻛﺘﺎﺑﺎﺗﻬﻢ ﻭﺗﻌﻠﻴﻘﺎﺗﻬﻢ ﺳﻴﺘﻮﻫﻢ ﺃﻥ ﻓﺮﻳﻘﻬﻢ ﻛﺎﻥ
ﻣﻮﻋﺪﻭﺍً ﺑﻤﻨﺎﺯﻟﺔ ﺧﺼﻢ ﻫﺰﻳﻞ ﻳﺴﻬﻞ ﺍﻓﺘﺮﺍﺳﻪ .
* ﻛﺘﺒﻮﺍ ﻗﺒﻞ ﺍﻟﻠﻘﺎﺀ ﻋﻦ ﺿﻌﻒ ﺍﻟﻤﺮﻳﺦ ﻭﺗﻮﺍﺿﻊ ﻣﺴﺘﻮﺍﻩ
ﻭﺍﻓﺘﻘﺎﺭﻩ ﺇﻟﻰ ﺍﻟﻼﻋﺒﻴﻦ ﺍﻟﺬﻳﻦ ﻳﺼﻨﻌﻮﻥ ﺍﻟﻔﺎﺭﻕ .
* ﻛﺘﺒﻮﺍ ﻋﻦ ﺃﻧﻬﻢ ﻳﺸﻌﺮﻭﻥ ﺑﺎﻟﺜﻘﺔ ﻭﺍﻟﻄﻤﺄﻧﻴﻨﺔ .
* ﺯﻋﻤﻮﺍ ﺃﻥ ﺍﻷﻭﺿﺎﻉ ﻇﺎﺑﻄﺔ، ﻭﺍﻷﻣﻮﺭ ﻣﺴﺘﻘﺮﺓ .
* ﺗﺤﺪﺛﻮﺍ ﻋﻦ ﺃﻥ ﻓﻮﺯ ﺍﻟﻬﻼﻝ ﻣﻀﻤﻮﻥ !
* ﺑﻞ ﺇﻥ ﺍﻟﺰﻣﻴﻞ ﻣﺤﻤﺪ ﻋﺒﺪ ﺍﻟﻤﺎﺟﺪ ﻣﻀﻰ ﺃﺑﻌﺪ ﻣﻦ ﺫﻟﻚ
ﻭﻛﺘﺐ ﺃﻧﻪ ﻳﻜﺎﺩ ﻳﺮﻱ ﺃﺟﺎﺟﻮﻥ ﻓﻲ ﺍﻟﺪﻗﻴﻘﺔ ﺍﻟﺨﺎﻣﺴﺔ ﺃﻭ
ﺍﻟﺴﺎﺑﻌﺔ ﺗﺮﺗﺪ ﻟﻪ ﻛﺮﺓ ﻭﻳﺸﺎﺭﻛﻪ ﻋﻠﻴﻪ ﻣﺪﺍﻓﻊ ﺍﻟﻤﺮﻳﺦ ﻟﻴﻀﻊ
ﺍﻟﻜﺮﺓ ﺷﻤﺎﻝ ﺣﺎﺭﺱ ﺍﻟﻤﺮﻳﺦ !
* ﺃﻱ ﻭﺍﻟﻠﻪ .. ﺷﺎﻑ ﺍﻟﻜﻮﺭﺓ ﻗﺒﻞ ﻣﺎ ﺗﺒﺪﺃ !!
* ﻭﻗﺎﻝ ﻣﺤﺴﻮﻣﺔ ﻓﻲ ﺍﻟﺪﻗﻴﻘﺔ 7 ﻭﻣﺎ ﻋﻨﺪﻭ ﺻﺒﺮ ﻟﻠﺪﻗﻴﻘﺔ
!30
* ﻓﻮﺟﺊ ﺑﺄﻥ ﺍﻟﺴﻤﺎﻧﻲ ﻣﺎ ﻋﻨﺪﻭ ﺻﺒﺮ ( ﻟﻠﺪﻗﻴﻘﺔ !(3
* ﻛﺘﺐ ﺻﺎﺣﺒﻨﺎ : ( ﺍﻻﺳﻤﺎﺀ ﺍﻟﻤﻮﺟﻮﺩﺓ ﻓﻲ ﺍﻟﻬﻼﻝ ﻳﻔﺘﺮﺽ
ﺃﻥ ﺗﺠﻌﻞ ﺍﻟﻤﺮﻳﺨﺎﺏ ﻗﺎﻋﺪﻳﻦ ﻋﻠﻰ ﺃﻋﺼﺎﺑﻬﻢ .. ﺃﻧﺎ ﻣﺎ ﻋﺎﺭﻑ
ﺍﻟﺼﺒﺮ ﺩﺍ ﺑﺘﺠﻴﺒﻮﻩ ﻣﻦ ﻭﻳﻦ .. ﻗﻮﺓ ﻗﻠﺐ ﺯﻱ ﺩﻱ ﺃﺻﻠﻮ ﻣﺎ
ﻻﻗﺘﻨﻲ .. ﻓﺮﻳﻖ ﻓﻴﻪ ﺍﺟﺎﺟﻮﻥ ﻭﻓﻴﻪ ﺍﻟﻐﺮﺑﺎﻝ ﻭﻳﺎﺳﺮ ﻣﺰﻣﻞ
ﻭﺟﻴﺮﺍﻟﺪ ﻭﺇﺑﺮﺍﻫﻴﻢ ﻣﺼﻄﻔﻰ ﻭﻋﻴﺪ ﻣﻘﺪﻡ ﻭﻋﺒﺪﺍﻟﺮﺅﻭﻑ
ﻭﻋﺜﻤﺎﻥ ﻣﻴﺴﻲ .. ﺣﺎ ﺗﻘﺎﺑﻠﻮﻩ ﺑﻲ ﻣﻨﻮ ) ؟
* ﻭﻛﺘﺐ : ( ﺃﻧﺼﺢ ﺃﻱ ﻣﺮﻳﺨﺎﺑﻲ ﺃﻥ ﻳﺒﺘﻌﺪ ﻋﻦ ﻣﺒﺎﺭﺍﺓ
ﺍﻟﻴﻮﻡ .. ﺃﺑﻌﺪﻭﺍ ﺍﻷﻃﻔﺎﻝ .. ﻭﺃﻗﻔﻠﻮﺍ ﺍﻟﺘﻠﻔﻮﻧﺎﺕ .. ﻭﻣﺎ ﺗﺤﻮﻣﻮﺍ
ﻗﺮﺏ ﺍﻟﻤﻨﻄﻘﺔ !!(
* ﻗﻔﻠﻨﺎ ﺍﻟﺘﻠﻔﻮﻧﺎﺕ .. ﻭﻓﺘﺤﻨﺎ ﺷﺒﻜﺔ ﺃﺑﻮ !22
* ﺃﺑﻌﺪﻧﺎ ﺍﻷﻃﻔﺎﻝ .. ﻭﻗﺮّﺑﻨﺎ ﺳﻴﻤﺎ !
* ﺍﻗﺘﻨﻌﻨﺎ ﻭﺁﻣﻨﺎ ﻭﺻﺪﻗﻨﺎ ﻭﺧﻠﻴﻨﺎ ﺍﻟﺤﻮﺍﻣﺔ ﺩﺍﺧﻞ ﺍﻟﻤﻨﻄﻘﺔ،
ﺍﻟﺒﻘﻨﻊ ﺍﻟﻮﻟﻪ ﺳﻴﻤﺎ ﻣﺎ ﻳﺤﻮﻡ ﺩﺍﺧﻞ ﻣﻨﻄﻘﺔ ﺟﺰﺍﺀ ﺍﻟﻮﺻﻴﻒ
ﻛﻞ ﻣﺮﺓ ﻣﻨﻮﻭﻭﻭ؟
* ﻃﺮﺑﻘﺔ ﻋﺒﺪ ﺍﻟﻤﺎﺟﺪ .. ﺗﺒﻄﻠﻬﺎ ﺻﻮﺍﺭﻳﺦ ﺍﻟﺴﻤﺎﻧﻲ !
* ﺗﻠﻚ ﻛﺎﻧﺖ ﺃﺣﻼﻡ ﺍﻟﻴﻘﻈﺔ !
* ﻛﻼﻡ ﺍﻟﻠﻴﻞ ﻳﻤﺤﻮﻩ ﺍﻟﻨﻬﺎﺭ .
* ﺣﺒﻴﺒﻨﺎ ﻋﺐ ﻣﺎﺟﺪ ( ﻋﻠﻲ ﻗﻮﻝ ﺍﻟﻤﺼﺮﻳﻴﻦ ) ﻣﻀﻰ ﻓﻲ
ﻃﺮﺑﻘﺘﻪ ﻷﺑﻌﺪ ﺣﺪ، ﻭﺯﻋﻢ ﺃﻥ ﺇﺭﻧﻖ ﺳﻴﺤﺮﺯ ﻫﺪﻓﺎً ﻟﻠﻬﻼﻝ !
* ﻗﻌﺪﻭﻫﻮ ﻓﻲ ﺍﻟﻀﻞ .. ﻭﺭﺷﻮﻫﻮ ﺑﺎﻟﻤﻮﻳﺔ !
* ﻭﺳﺎﻋﺪﻭﻫﻮ ﺑﻲ ( ﻳﺲ ﻭﺍﻟﻤﻌﻮﺫﺗﻴﻦ ﻭﺍﻹﺧﻼﺹ!(
* ﺍﻟﺤﺎﻟﺔ ﻣﺘﺄﺧﺮﺓ ﺧﻼﺹ !!
* ﺗﻌﺎﻣﻠﻮﺍ ﻣﻊ ﺍﻟﻤﺒﺎﺭﺍﺓ ﻭﻛﺄﻧﻬﺎ ﻓﻲ ﺍﻟﺠﻴﺐ ﺍﻟﺨﻠﻔﻲ !
* ﻓﺎﺕ ﻋﻠﻴﻬﻢ ﺃﻧﻬﻢ ﺳﻴﻮﺍﺟﻬﻮﻥ ﺍﻟﺴﻴﺪ ﺍﻟﻤﺮﻳﺦ !
* ﻣﻦ ﻳﻮﺍﺟﻪ ﺍﻟﻤﺮﻳﺦ ﻋﻠﻴﻪ ﺃﻥ ﻳﻀﻊ ﺍﻟﻬﺰﻳﻤﺔ ﻧﺼﺐ ﻋﻴﻨﻴﻪ،
ﻭﻳﻌﻠﻢ ﺃﻥ ﺍﻟﺨﺴﺎﺭﺓ ﺳﺘﻜﻮﻥ ﺃﻗﺮﺏ ﺇﻟﻴﻪ ﻣﻦ ﺣﺒﻞ ﺍﻟﻮﺭﻳﺪ .
* ﺟﺎﺀﺕ ﺍﻟﻤﺒﺎﺭﺍﺓ، ﻭﻛﺎﻥ ﺳﻴﻒ ﺍﻟﺴﻤﺎﻧﻲ ﺃﺻﺪﻕ ﺃﻧﺒﺎﺀً ﻣﻦ
ﺍﻟﻜﺘﺐ .
* ﻓﻲ ﺣﺪﻩ ﺍﻟﺤﺪ ﺑﻴﻦ ﺍﻟﺠﺪ ﻭﺍﻟﻠﻌﺐ .
* ﺃﺟﺎﻗﻮﻥ ﻣﺎ ﺟﺎﺏ ﺃﻱ ﻗﻮﻥ !
* ﺇﻻ ﻓﻲ ﻋﻤﻮﺩ ﻭﺩ ﻋﺒﺪ ﺍﻟﻤﺎﺟﺪ !
* ﻳﺎ ﺣﻤﺎﺩﺓ ﺣﺎﺭﺳﻨﺎ ﻓﻲ ﻋﻤﻮﺩﻙ ﻛﺎﻥ ﻣﻨﺠﺪ ﻭﻟﻼ ﻣﺤﻤﺪ
ﺍﻟﻤﺼﻄﻔﻰ ﻭﻟﻼ ﺃﻛﺮﻡ ﺍﻟﻬﺎﺩﻱ؟
* ﻟﻢ ﻳﻜﻦ ﺗﻔﺎﺅﻟﻬﻢ ﻣﺒﺮﺭﺍً، ﻭﻟﻢ ﻳﺴﺘﻨﺪ ﺇﻟﻰ ﺃﻱ ﻣﻨﻄﻖ
ﻣﻘﺒﻮﻝ .
* ﺍﻟﻤﺮﻳﺦ ﺗﻌﺎﺩﻝ ﻣﻊ ﺻﻦ ﺩﺍﻭﻧﺰ ﻗﺒﻞ ﻗﻤﺔ ( ﺍﻟﻤﻬﺮﻭﺳﺔ ) ..
ﻭﺻﻦ ﺩﺍﻭﻧﺰ ﻫﺰﻡ ﺍﻟﻬﻼﻝ !
* ﺁﺧﺮ ﺧﻤﺲ ﻟﻘﺎﺀﺍﺕ ﺟﻤﻌﺘﻬﻢ ﻣﻊ ﺍﻟﻤﺮﻳﺦ ﺷﻬﺪﺕ ﻓﻮﺯ
ﺍﻟﺰﻋﻴﻢ ﺛﻼﺙ ﻣﺮﺍﺕ ﻭﺍﻟﺘﻌﺎﺩﻝ ﻣﺮﺓ ﻭﻓﻮﺯ ﺍﻟﻬﻼﻝ ﻣﺮﺓ
ﻭﺣﻴﺪﺓ !
* ﻗﺒﻞ ﺍﻟﻔﻮﺯ ﺍﻟﻮﺣﻴﺪ ﺃﻣﻀﻰ ﺍﻟﻬﻼﻝ ﺛﻼﺙ ﺳﻨﻮﺍﺕ ﻣﻦ ﺩﻭﻥ
ﺃﻥ ﻳﺤﻘﻖ ﺃﻱ ﺍﻧﺘﺼﺎﺭ ﻋﻠﻰ ﺍﻟﻤﺮﻳﺦ .
* ﺑﻞ ﺍﻧﻬﺰﻡ ﻣﻨﻪ ﺛﻼﺙ ﻣﺮﺍﺕ ﻣﺘﺘﺎﻟﻴﺎﺕ !
* ﻣﺮﺓ ﺭﻣﻀﺎﻥ .. (ﻭﻣﻌﺎﻫﻮ ﺑﻤﺒﺎﻥ ) .
* ﻭﻣﺮﺓ ﺍﻟﺴﻤﺎﻧﻲ ﺍﻟﻔﻨﺎﻥ .
* ﻭﻣﺮﺓ ﺳﻴﻒ ﺗﻴﺮﻱ .. ﻛﻤﺎﻥ ﻭﻛﻤﺎﻥ !
* ﻭﺑﻌﺪ ﺭﺷﺔ ﺳﻴﻤﺎ ﺍﻷﺧﻴﺮﺓ ﻳﻨﺒﻐﻲ ﻟﻺﺣﺼﺎﺋﻴﺔ ﺃﻥ ﺗﺨﻀﻊ
ﺇﻟﻰ ﺗﺤﺪﻳﺚ، ﻟﺘﺆﻛﺪ ﺃﻥ ﺍﻟﻬﻼﻝ ﺍﻧﻀﺮﺏ ﻣﻦ ﺍﻟﻤﺮﻳﺦ ﺃﺭﺑﻊ
ﻣﺮﺍﺕ ﻓﻲ ﺁﺧﺮ ﺳﺘﺔ ﻟﻘﺎﺀﺍﺕ، ﻭﻟﻢ ﻳﺤﻘﻖ ﺇﻻ ﺍﻧﺘﺼﺎﺭ ﻭﺣﻴﺪ،
ﺣﺪﺙ ﻟﻠﻤﺮﻳﺦ ﻭﻫﻮ ﻳﻌﻴﺶ ﺃﺳﻮﺃ ﻇﺮﻭﻑ ﺇﺩﺍﺭﻳﺔ ﻓﻲ ﺗﺎﺭﻳﺨﻪ
ﻛﻠﻪ !
* ﺃﻳﻦ ﺍﻟﻨﺪﻳﺔ ﺍﻟﺘﻲ ﻳﺘﺤﺪﺛﻮﻥ ﻋﻨﻬﺎ؟
* ﻣﻦ ﺃﻳﻦ ﻳﺄﺗﻴﻬﻢ ﺗﻔﺎﺅﻝ ﻻ ﻳﺴﺘﻨﺪ ﺇﻟﻰ ﺃﻱ ﻣﻨﻄﻖ ﺃﻭ
ﺃﺭﻗﺎﻡ؟
* ﺇﺣﺼﺎﺋﻴﺎﺕ ﻗﺮﻳﺒﺔ ﻻ ﺗﻤﺖ ﺇﻟﻰ ﺍﻟﺘﺎﺭﻳﺦ ﺍﻟﺒﻌﻴﺪ، ﺗﻔﻴﺪ ﺃﻥ
ﻓﺮﻳﻘﻬﻢ ﻟﻢ ﻳﺘﺬﻭﻕ ﻃﻌﻢ ﺍﻻﻧﺘﺼﺎﺭ ﻓﻲ ﺁﺧﺮ ﻋﺸﺮﺓ ﻟﻘﺎﺀﺍﺕ
ﺧﺎﺿﻬﺎ ﻓﻲ ﻣﺮﺣﻠﺔ ﺩﻭﺭ ﺍﻟﻤﺠﻤﻮﻋﺎﺕ ﻟﻠﺒﻄﻮﻟﺔ ﺍﻹﻓﺮﻳﻘﻴﺔ !
* ﻋﺎﺭﻓﻴﻦ ﺃﻥ ﺁﺧﺮ ﺍﻧﺘﺼﺎﺭ ﺣﻘﻘﻪ ﺍﻟﻬﻼﻝ ﻓﻲ ﺩﻭﺭ
ﺍﻟﻤﺠﻤﻮﻋﺎﺕ ﺣﺼﻞ ﻣﺘﻴﻦ؟
* ﻭﺍﻟﺠﺎﺏ ﺍﻟﻘﻮﻥ ﻣﻨﻮ؟
* ﺣﺪﺙ ﺃﻣﺎﻡ ﺑﻼﺗﻨﻴﻮﻡ ﺍﻟﺰﻳﻤﺒﺎﺑﻮﻱ ﻳﻮﻡ 25 ﻳﻨﺎﻳﺮ !2020
* ﻳﻌﻨﻲ ﻗﺒﻞ ﺃﻛﺜﺮ ﻣﻦ ﺳﻨﺘﻴﻦ !
* ﻭﻣﻦ ﺃﺣﺮﺯ ﻫﺪﻑ ﺍﻟﻔﻮﺯ ﻳﻠﻌﺐ ﺣﺎﻟﻴﺎً ﻓﻲ ﺍﻟﻤﺮﻳﺦ !
* ﻭﻫﻮ ﻣﺤﻤﺪ ﻣﻮﺳﻰ ﺍﻟﻀﻲ !!
* ﻓﻤﺎ ﺍﻟﺬﻱ ﻳﺪﻋﻮﻫﻢ ﺇﻟﻰ ﺍﻟﺘﻔﺎﺅﻝ، ﻭﻣﺎ ﺍﻟﺬﻱ ﻳﺠﻌﻞ ﻓﺮﻳﻘﻬﻢ
ﻳﺴﺘﻌﻴﺪ ﺫﺍﻛﺮﺓ ﺍﻟﻔﻮﺯ ﺑﻴﻦ ﻳﻮﻡ ﻭﻟﻴﻠﺔ؟
* ﺣﺘﻰ ﺇﺣﺼﺎﺋﻴﺎﺕ ﻣﺒﺎﺭﻳﺎﺕ ﺍﻟﻘﻤﺔ ﻟﻢ ﺗﺪﻋﻢ ﺫﻟﻚ ﺍﻟﻄﻤﻮﺡ
ﺍﻷﺭﻋﻦ، ﻭﺍﻟﺘﻔﺎﺅﻝ ﺍﻟﻐﺮﻳﺐ، ﻷﻧﻬﺎ ﺗﺸﻴﺮ ﺇﻟﻰ ﺃﻥ ﺍﻟﺴﻴﺪ
ﺍﻟﻤﺮﻳﺦ ﻓﺮﺽ ﻫﻴﻤﻨﺘﻪ ﺍﻟﻜﺎﻣﻠﺔ ﻋﻠﻰ ﻭﺻﻴﻔﻪ ﺍﻟﻘﺮﻧﻲ ﻣﻨﺬ
ﻣﺒﺎﺭﺍﺓ ﺳﻮﻕ ﺍﻟﻘﺶ ﺍﻟﺸﻬﻴﺮﺓ، ﻭﺃﺫﺍﻗﻪ ﺍﻟﻤﺮ ﺃﻟﻮﺍﻧﺎً .
* 377 ﻣﺒﺎﺭﺍﺓ ﻗﻤﺔ ﺣﻘﻖ ﻓﻴﻬﺎ ﺍﻟﻤﺮﻳﺦ 155 ﺍﻧﺘﺼﺎﺭﺍً ﻣﻘﺎﺑﻞ
122 ﻓﻮﺯﺍً ﻟﻠﻮﺻﻴﻒ ﺍﻟﺨﻔﻴﻒ !
* ﻓﻤﻦ ﺃﻳﻦ ﻟﻬﻢ ﺃﻥ ﻳﻀﻌﻮﺍ ﺍﻟﻤﺮﻳﺦ ﻓﻲ ﺟﻴﺒﻬﻢ ﺍﻟﻤﺜﻘﻮﺏ؟
* ﻛﺪﻱ ﺃﻫﺒﺸﻮﺍ ﺍﻟﺠﻴﺐ، ﻭﺷﻮﻓﻮﺍ ﻓﻴﻬﻮ ﺷﻨﻮ؟
* ﺃﻭﻋﻰ ﻳﻄﻠﻊ ﻟﻴﻜﻢ ﺍﻟﺒﻌﺎﺗﻲ !
* ﺃﻗﺼﺪ ﺍﻟﺴﻤﺎﻧﻲ !
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﻃﺒﻌﺎً ﻧﺤﻦ ﻟﻴﻨﺎ ﻳﻮﻣﻴﻦ .. ﻗﺎﻟﺒﻴﻦ ﺍﻟﻠﺴﺎﻥ ﻣﺼﺮﻳﻴﻦ !
* ﺑﻲ ﺣﻘﻨﺎ .. ﻭﻋﻠﻲ ﻛﻴﻔﻨﺎ !
* ﺃﻣﺎﻝ ﺃﻳﻪ ﻳﺎ ﺑﻴﻪ؟؟
* ﻧﻜﺘﺐ ﻋﻠﻰ ﻛﻴﻔﻨﺎ .. ﻓﺎﻟﻤﻨﺘﺼﺮﻭﻥ ﻭﺣﺪﻫﻢ ﻳﻜﺘﺒﻮﻥ
ﺍﻟﺘﺎﺭﻳﺦ !
* ﻭﻧﺤﻦ ﺍﻧﺘﺼﺮﻧﺎ ﻭﻋﺒﺮﻧﺎ .
* ﻭﺑﺎﻟﺠﻮﺯ ﺿﺮﺑﻨﺎ .
* ﺩﻩ ﺍﻟﺴﻤﺎﻧﻲ ﺁﺧﺮ ﻣﺠﺪﻋﺔ ﻳﺎ ﺑﻴﻪ !
* ﺳﻴﻤﺎ ﺷﻐﺎﻝ ﻣﻊ ﺍﻟﻮﺻﻴﻔﺎﺏ ﺑﻄﺮﻳﻘﺔ ( ﺃﺑﻮ ﺑﻼﺵ ﻛﺘِّﺮ ﻣﻨﻮ
ﻭﻟﻮ ﻳﻀﺮﻙ!(
* ﺳﻴﻤﺎ ﺟﺤﺮ ﺩﺑﻴﺐ .. ﻳﺴﻊ ﻣﻴﺔ ﺣﺒﻴﺐ !
* ﻛﻞ ﻣﺎ ﻳﻼﻗﻴﻬﻢ .. ﻳﺮﻭﺡ ﺭﺍﺷﻴﻬﻢ !
* ﻛﺮﺍﻉ ﺳﻴﻤﺎ .. (ﺯﻱ ﺍﻟﻌﺄﺭﺑﺔ .. ﻗﺮﺻﺘﻬﺎ ﻭﺍﻷﺑﺮ!(
* ﻟﺴﺎﻥ ﺣﺎﻟﻪ ( ﻣﺎ ﺃﺳﺨﻢ ﻣﻦ ﺳﺘّﻲ .. ﺇﻻ ﺳﻴﺪﻱ!(
* ( ﺳﻴﻤﺎ ﺁﺧﺮ ﻣﻌﻠﻤﺔ ﻳﺎ ﺟﺪﻋﺎﻥ!(
* ﻭﺍﻟﻮﺻﻴﻒ ( ﻣﻜﺴﺢ ﻃﻠﻊ ﻳﺘﻔﺴﺢ .. ﻗﺎﻝ ﺑﻔﻠﻮﺳﻪ!(
* ﺳﺎﻓﺮ ﺑﺎﻟﻄﻴﺎﺭﺓ ﻭﺭﺟﻊ ﺑﺎﻟﺨﺴﺎﺭﺓ !
* ﻫﺴﺔ ﻛﺎﻥ ﺧﻠﻴﺘﻮﻧﺎ ﻧﻠﻌﺐ ﻓﻲ ﻣﻌﺒﺮﺗﻜﻢ ﻣﺶ ﻛﺎﻥ ﻭﻓﺮﺗﻮﺍ
ﺩﻭﻻﺭﺍﺕ .. ﻭﺃﺧﺪﺗﻮﺍ ﺍﻟﺠﻮﺯ ﻣﻦ ﺳﻜﺎﺕ؟
* ﻗﺎﻟﻮﺍ ﻋﺎﻳﺰﻳﻦ ﺃﻣﻨﻴِّﺔ ﺩﻭﻻﺭﻳﺔ !
* ﺍﻟﺴﻤﺎﻧﻲ ﺃﺩﺍﻫﻢ ﺍﺗﻨﻴﻦ ﻫﺪﻳﺔ !
* ﺟﺎﺕ ﺍﻟﺤﺰﻳﻨﺔ ﺗﻔﺮﺡ ﻣﺎ ﻟﻘﺘﻠﻬﺎﺵ ﻣﻄﺮﺡ !
* ﺭﺷﻴﻨﺎﻫﻢ ﺟﻨﺐ ﻣﺴﺠﺪ ﺍﻟﺴﻴﺪﺓ !
* ﻭﺩﻳﻨﺎﻫﻢ ﺿﺮﻳﺢ ﺳﻴﺪﻧﺎ ﺍﻟﺤﺴﻴﻦ .. ﻭﺭﺟﻌﻨﺎﻫﻢ ﻣﺮﺩﻭﻣﻴﻦ !
* ﻫﺴﻪ ﻛﺎﻥ ﻓﻲ ﺩﺍﻋﻲ ﻟﻠﺘﻌﺐ ﺩﻩ؟
* ﺍﻟﻤﺼﻴﺒﺔ ﻓﻲ ﺃﺟﺎﻗﻮﻥ ﺍﻟﻤﺎ ﺟﺎﺏ ﺍﻟﻘﻮﻥ .. ﺇﻻ ﻓﻲ ﻋﻤﻮﺩ
ﻭﺩ ﻋﺒﺪ ﺍﻟﻤﺎﺟﺪ !
* ﻋﺒﺪ ﺍﻟﻤﺎﺟﺪ ﻓﻴﻬﺎ ﻛﻢ ﻧﻘﻄﺔ؟
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﺳﻴﻤﺎ ﻗﺎﻝ ﻟﻴﻜﻢ ﺍﻟﻤﻴﺔ ﺗﻜﺪﺏ ﺍﻟﻐﻄﺎﺱ !
* ﻗﻮﻥ ﻣﻦ ﺩﻫﺐ .. ﻭﺍﻟﺘﺎﻧﻲ ﻣﻦ ﻣﺎﺱ !
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﻫﺴﺔ ﻭﺩ ﻋﺒﺪ ﺍﻟﻤﺎﺟﺪ ﻟﻮ ﺻﺒﺮ ﻟﻐﺎﻳﺔ ﻣﺎ ﺍﻟﻜﻮﺭﺓ ﺍﻧﺘﻬﺖ
ﻛﺎﻥ ﺩﺧّﻞ ﻧﻔﺴﻪ ﻓﻲ ﺍﻟﺤﺮﺝ ﺩﻩ؟
* ﻣﺎ ﺳﻤﻌﺖ ﺍﻟﻤﺼﺮﻳﻴﻦ ﺑﻘﻮﻟﻮﺍ ( ﻳﺎ ﺧﺒﺮ ﺑﻔﻠﻮﺱ .. ﺑﻜﺮﺓ
ﻳﺒﻘﻰ ﺑﺒﻼﺵ ) ؟
* ﺳﻴﻤﺎ ﻃﺎﺵ ﻣﺎ ﻃﺎﺵ !
* ﺍﻟﺴﻤﺎﻧﻲ ﻳﺎ ﻣﻄﺮ ﺍﻟﺮﺷﺎﺵ .. ﺍﻟﻀﺮﺏ ﻛﺪﺓ ﻳﺎ ﺑﻼﺵ !
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﺳﻴﻤﺎ ﻗﺎﻝ ﻟﻴﻜﻢ : ( ﻳﺎ ﻃﺎﻟﺐ ﺍﻟﺴﻤﻨﺔ ﻣﻦ ﺑﺰ ﺍﻟﻨﻤﻠﺔ، ﺣﺮﻣﺖ
ﻋﻠﻴﻚ ﺍﻟﺘﻘﻠﻴﺔ!(
* ﺍﻟﺴﻤﺎﻧﻲ ﻳﻘﻄﻊ ﻋِﺮﻕ ﻭﻳﺴﻴّﺢ ﺩﻡ !!
* ﻗﺎﻝ ﻟﻲ ﻋﺐ ﻣﺎﺟﺪ ( ﺃﻗﺮﺃ ﺃﻋﻤﺪﺗﻚ ﺃﺻﺪﻗﻚ .. ﺃﺷﻮﻑ
ﻣﻮﺍﺳﻴﺮﻙ ﺃﺳﺘﻌﺠﺐ!(
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﺍﻟﻮﻟﻪ ﺳﻴﻤﺎ ﺍﺷﺘﻐﻞ ﻣﻌﺎﻛﻢ ﺑﻄﺮﻳﻘﺔ (ﺃﺿﺮﺏ ﺍﻟﻤﺮﺑﻮﻁ ..
ﻳﺨﺎﻑ ﺍﻟﺴﺎﻳﺐ!(
* ﻭﻗﺎﻝ ﻟﻴﻜﻢ (ﺍﻟﻠﻲ ﻳﻌﺘﻤﺪ ﻋﻠﻰ ﺍﻟﻐﺮﺑﺎﻝ .. ﻳﺒﻘﻰ ﺃﻋﻤﻰ !!(
* ﺍﻟﺠﻤﺎﻋﺔ ﺗﺎﻧﻲ ﻟﻐﺔ ﺍﻟﺘﻔﺎﺅﻝ ﺩﻱ ﻣﺎ ﺑﻘﺮﺑﻮﻫﺎ !
* (ﺍﻟﻠﻲ ﺍﺗﻠﺴﻊ ﻣﻦ ﺍﻟﺸﻮﺭﺑﺔ .. ﻳﻨﻔﺦ ﻓﻲ ﺍﻟﺰﺑﺎﺩﻱ!(
* ﻧﺤﻦ ﺫﺍﺗﻨﺎ ﻗﺮﺑﻨﺎ ﻧﺼﺪﻗﻬﻢ .. ﻟﻤﻴﻨﺎ ﺍﻟﻌﻴﺎﻝ ﻭﻗﻔﻠﻮﻧﺎ
ﺍﻟﺘﻠﻔﻮﻥ .. ﻭﺍﻧﺘﻈﺮﻧﺎ ﻗﻮﻥ ﺃﺟﺎﺟﻮﻥ !
* ﺍﻧﻄﺒﻘﺖ ﻋﻠﻴﻬﻢ ﻣﻘﻮﻟﺔ (ﺍﻟﻠﻲ ﻓﻲ ﺍﻟﺤﻠَّﺔ .. ﺗﻄﻠﻌﻪ
ﺍﻟﻤﻐﺮﻓﺔ!(
* ﺍﻟﻤﻐﺮﻓﺔ ﻣﺼﺮﻳﺔ .. ﻃﻠﻌﺖ ﻟﻴﻨﺎ ﺟﻮﺯ ﺍﻟﻄﺮﻳﻘﺔ ﺍﻟﺴﻤﺎﻧﻴﺔ !!
* ﻭﺣﻮﻟﺖ ﺍﻟﻮﺻﻴﻒ ﻟﻠﺬﻳﻠﻴﺔ !
* ﺍﻧﻄﺒﻘﺖ ﻋﻠﻴﻬﺎ ﻣﻘﻮﻟﺔ (ﺍﻟﻤﻨﺤﻮﺱ ﻣﻨﺤﻮﺱ .. ﻭﻟﻮ ﻋﻠﻘﻨﺎ
ﻋﻠﻰ ﺭﺍﺳﻪ ﻓﺎﻧﻮﺱ!(
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﺍﻟﻤﺼﻴﺒﺔ ﻓﻲ ﺃﺟﺎﻗﻮﻥ ﺍﻟﻤﺎ ﺟﺎﺏ ﺍﻟﻘﻮﻥ !
* ﺻﺪﻕ ﻣﻦ ﻗﺎﻝ : (ﺍﻟﺤِﺪّﺍﻳﺔ ﻣﺎ ﺑﺘﺤﺪﻓﺶ ﻛﺘﺎﻛﻴﺖ !!(
* ﻭﺍﻟﻠﻲ ﻣﺎ ﻣﻌﺎﻫﻮﺵ .. ﻣﺎ ﻳﻠﺰﻣﻮﺵ !
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﺍﻟﻠﻰ ﻋﻠﻰ ﺭﺃﺳﻪ ﺑﻄﺤﺔ ﻳﺤﺴﺲ ﻋﻠﻴﻬﺎ !
* ﺍﻟﺠﻤﺎﻋﺔ ﺭﺟﻌﻮﺍ ﻣﻦ ﺍﻟﻤﺤﺮﻭﺳﺔ ﻋﻠﻲ ﺭﺍﺳﻬﻢ ﺑﻄﺤﺘﻴﻦ !!
* ﺑﻄﺤﺔ ﻓﻲ ﺍﻟﺪﻗﻴﻘﺔ 3 ﻭﺑﻄﺤﺔ ﻓﻲ ﺍﻟﺪﻗﻴﻘﺔ !42
* ﺑﻘﺖ ﻋﻠﻴﻬﻢ ﺣﻜﺎﻳﺔ (ﺍﻟﻠﻲ ﻳﺠﻲ ﻓﻲ ﺍﻟﺮﻳﺶ .. ﺑﻘﺸﻴﺶ!(
* ﺃﻳﺶ ﺟﺎﺏ ﻟﺠﺎﺏ ﻳﺎ ﻫﻼﻻﺏ؟
* ﺳﻴﻤﺎ ﺟﺎﺏ ﻋﺎﻟﻴﻬﺎ ﻭﺍﻃﻴﻬﺎ !!
* ﺟﺒﻨﺎ ﺳﻴﺮﺓ ﺍﻟﻘﻂ .. ﻃﻠﻊ ﻳﻨﻂ !
* ﺇﻋﻼﻡ ﺍﻟﻔﻮﻝ ﺷﻐﺎﻝ ﺑﻄﺮﻳﻘﺔ ( ﻟﺒِّﺲ ﺍﻟﺒﻮﺻﺔ ﺗﻄﻠﻊ
ﻋﺮﻭﺳﺔ!(
* ﺑﻘﺖ ﻋﻠﻴﻬﻮ ﺣﻜﺎﻳﺔ (ﻟﻮﻻﻙ ﻳﺎ ﻟﺴﺎﻧﻲ .. ﻣﺎ ﺍﻧﻀﺮﺑﺖ ﻳﺎ
ﻗﻔﺎﻳﺎ!(
* ﺗﺎﻧﻲ ﻣﺎ ﺗﻄﻮﻟﻮﺍ ﺃﻟﺴﻨﺘﻜﻢ ﻗﺒﻞ ﻣﺎ ﺗﻼﻗﻮﻧﺎ !
* ﺿﺮﺏ ﺍﻷﻓﺎ ﻣﺤﻤﺪﻛﻢ ﻓﻲ ﺍﻟﻤﻌﺒﺮﺓ !!
* ﻗﺎﻟﻮﺍ ﺍﻟﺒﻌﺜﺔ ﺭﺟﻌﺖ ﺳﺮﻳﻊ ( ﻳﺎ ﺑﺨﺖ ﻣﻦ ﺯﺍﺭ ﻭﺧﻒ !!(
* ﻗﻮﻥ ﺃﺟﺎﺟﻮﻥ .. ( ﻛﻼﻡ ﺍﻟﻠﻴﻞ ﻣﺪﻫﻮﻥ ﺑﺰﺑﺪﺓ .. ﻳﻄﻠﻊ ﻋﻠﻴﻪ
ﺍﻟﻨﻬﺎﺭ ﻳﺴﻴﺢ!(
* ﺃﻣﺎﻝ ﺃﻳﻪ ﻳﺎ ﺑﻴﻪ؟
* ﺁﺧﺮ ﺧﺒﺮ : ﺗﺎﻧﻲ ﺑﺘﺠﻮﺍ ﺍﻟﻤﻮﻟﺪ ؟ .
